لە پارێزگای نەینەوا ئافرەتێك بەچەقۆ هاوسەرەكەی دەكوژێت

ئەمڕۆ چوارشەممە لە پارێزگای نەینەوا ئافرەتێك بەهۆی كێشەی خێزانی بەچەقۆ هاوسەرەكەی دەكوژێت.
لەوبارەیەوە پۆلیسی نەینەوا لە بەیاننامەیەكدا ڕایگەیاندووە، دوای پێگەیشتنی هەواڵی كوشتنی هاووڵاتییەك لە ناوچەی (گەڕەكی تەڵیحە) لە ناحیەی تەلعەفەر و دوای ئەنجامدانی لێكۆڵینەوە ،كوشتنەكە ئاشكرا بوو و دەركەوت كە ئەنجامدەری تاوانەكە هاوسەری قوربانییەكە بووە.
هەروەها لە راگەیەندراوەكەی پۆلیس ئاماژە بەوە كراوە كە ئافرەتەكە دانی بەتاوانەكەی ناوەو هۆكاری ئەنجامدانی ئەو تاوانەشی بۆ ناكۆكی و كێشەی خێزانی گەڕاندۆتەوە .
پۆلیس ڕوونیشی كردۆتەوە كە ئافرەتەكە لە ناحیەی تەلعەفەر لە ڕۆژئاوای شاری موسڵ دەستگیركراوە.