بزانه‌ كه‌شوهه‌وای ئه‌مڕۆ و سبه‌ی شاره‌كانی هه‌رێمی كوردستان چۆن ده‌بێت

به‌ڕێوبه‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان ڕه‌وشی كه‌شوهه‌وای ئه‌مڕۆ هه‌ینی و سبه‌ی شه‌مووی شاره‌كان ڕاگه‌یاند كه‌ له‌ هه‌ردوو ڕۆژه‌كه‌دا په‌ڵه‌ هه‌ور له‌ ئاسمان ده‌بێت له‌گه‌ڵ بوونی تۆزێكی سووكیش له‌سه‌ر زه‌وی.

كه‌شناسی سه‌باره‌ت به‌ كه‌شوهه‌وای ئه‌مڕۆ هه‌ینی ڕایگه‌یاند: ئاسمان ساماڵ و په‌ڵه‌ هه‌ور ده‌بێت، له‌ کاتەکانی ئێوارەدا لە ناوچەکانی باشووری هەرێم ئەگەری بوونی تۆزێکی کەم هەیە.

ڕاشیگه‌یاند: خێرایی با له‌نێوان له‌سه‌رخۆ و مامناوه‌ند ده‌بێت و مه‌ودای بینینیش له‌نێوان 10-8 كیلۆمه‌تر ده‌بێت.

بۆ كه‌شوهه‌وای سبه‌ی شه‌مووش ڕایگه‌یاند: ئاسمان بە گشتی ساماڵ و پەڵە هەور دەبێت لەگەڵ بوونی تۆزێکی سووک.

هه‌روه‌ها ڕایگه‌یاند: خێرایی با به‌هه‌مانشێوه‌ له‌نێوان له‌سه‌رخۆ و مامناوه‌ند ده‌بێت و مه‌ودای بینینیش له‌نێوان 10-8 كیلۆمه‌تر ده‌بێت.

به‌ڕێوبه‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان بەرزترین پلەکانی گەرمای پێشبینیکراو شاره‌كانی بە پلەی سیلیزی به‌مشێوه‌ی خواره‌وه‌ دیاری كرد:-

هەولێر: 42

سلێمانی: 41

دهۆک: 40

کەرکووک: 44

هەڵەبجە: 43

زاخۆ: 42

سۆران: 40

گەرمیان: 46