کۆڵبەرێکی گەنجی خەڵکی بانە له‌كوردستانی ئێران، بە ناوی ڕێبوار ڕەشیدی سەرلەبەیانی ڕۆژی هەینی 26 ى 8 ى 2022، بە تەقەی ڕاستەوخۆی هێزە ئه‌منییه‌كانی ئێران کوژرا.
بەگوێرەی هەواڵی گەیشتوو بە ڕێکخراوی مافی مرۆڤی هەنگاو، ڕێبوار ڕەشیدی تەمەن 30 ساڵ و خەڵکی گوندی قوڵیاوا سەر بە شاری بانە بووە و لەلایەن هێزە چەکدارەکانی جێگیر لە بنکەی حەوت تاش لە سنووری بڕوێشکانێ کوژرا.
شایانی باسە ڕێبوار ڕەشیدی باوکی دوو منداڵ بووە و خێزانەکەشی دووگیانە.
بە پشت بەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی 35 ڕۆژی ڕابردوودا لانی کەم پێنج کۆڵبەر و کاسبکار لە سنووری بانە بە تەقەی ڕاستەوخۆی هێزە ئه‌منییه‌كانی کۆماری ئیسلامیی ئێران کوژراون.
کۆمێنت (0)
تا ئێستا هیچ کۆمێنتێک نەکراوە.