حەمەی حەمەسەعید، وەزیری رۆشنبیری و لاوانی حكومەتی هەرێمی كوردستان لە پەیوەندییەكی تەلەفۆنیدا لەگەڵ كەسایەتی ناسراوی توركیا و دۆستی كورد، ئیسماعیل بێشكچی، سوپاس و پێزانینی خۆی بۆ خزمەت و تێكۆشانی بێشكچی لە پێناو ناساندنی دۆزی دیرۆكیی كورد دەربڕی.
لەو پەیوەندییەدا، وەزیری رۆشنبیری و لاوانی حكومەتی هەرێمی كوردستان لە هەواڵی تەندرووستیی بێشكچی پرسی و ستایشی خزمەتە نەمرەكانی كرد بۆ ناساندنی وێستگەكانی ژیانی سیاسی و دیرۆكیی جووڵانەوەی رزگاریخوازی كوردستان.
وەزیری رۆشنبیری و لاوان، بانگهێشتی بێشكچی كرد، بۆ ئەوەی سەردانی پارێزگای هەڵەبجە بكات و لە نزیكەوە وێڕای بەسەركردنەوەی مۆنۆمێنتی هەڵەبجە و ناوەندە هونەر و رۆشنبیرییەكان، سەردانی سرووشتی جوانی هەورامان بكات.
لە بەرامبەریشدا، ئیسماعیل بێشكچی، وێڕای سوپاسگوزاری بۆ بەسەركردنەوەی وەزیری رۆشنبیری و لاوانی حكومەتی هەرێمی كوردستان خۆشحاڵی خۆی بۆ بانگهێشتەكە دەربڕی و هیوای خواست لە نزیكترین دەرفەتدا ئەو سەردانە ئەنجام بدات.
ئا- كامران
ژێدەر- كوردستان 24
کۆمێنت (0)
تا ئێستا هیچ کۆمێنتێک نەکراوە.