درەنگانی شەوی ڕابردوو یەکشەممە 28ـی 08ـی 2022 چەند چەکدارێک کە گومان دەکرێت تیرۆریستانی داعش بن دوو پێشمەرگەیان ڕفاند.
سەرچاوەیەک بە (کوردستان تیڤی) ڕاگەیاند: دوای ڕفاندنی دوو پێشمەرگە لەلایەن چەند چەکدارێکەوە کە گومان دەکرێت تیرۆریستانی داعش بن، ئەمڕۆ دووشەممە لە نزیک بەنزینخانەی جەبەل بۆر، تەرمی یەکێکیان بە سەربڕاوی دۆزرایەوە.
ڕاشیگەیاند: ناسنامەی تەرمەکە ئاشکرا کراوە و ناوی (عەلی کاکە عەوڵا)ـیە و پیشەی پێشمەرگەیە، هەروەها ئەوەی دیکەش کە ڕفێنراوە ناوی (ئارام هادی ڕەشید)ـە و پیشەی پێشمەرگەیە و تاوەکو ئێستا بێسەروشوێنە.
هێزەکانی پۆلیسی کەرکووک ئاماژە بەوە دەدەن کە ئەو چەکدارانە ماتۆڕسکیلیان بۆ ئەنجامدانی کردەوە تیرۆریستییەکە بەکارهێناوە.
کەرکووک/ هەڵۆ جەباری
کۆمێنت (0)
تا ئێستا هیچ کۆمێنتێک نەکراوە.