هێزه ئه‌منییه‌كانی عێراق بۆ بڵاوه‌پێكردنی خۆپیشانده‌ران له ناوچه‌ی سه‌وز و باڵه‌خانه‌ی سه‌رۆكایه‌تی كۆمار و سه‌رۆكایه‌تی ئه‌نجوومه‌نی وه‌زیران، ته‌قه به‌سه‌ر خۆپیشانده‌راندا ده‌كه‌ن.
په‌یامنێری (كوردستان تیڤی) پێی ڕاگه‌یاندین كه له ناوچه‌ی سه‌وز ته‌قه‌یه‌كی زۆر به‌سه‌ر خۆپشانده‌ران ده‌كرێ به مه‌به‌ستی بڵاوه‌پێكردنیان.
دوای نیوه‌ڕۆی ئه‌مڕۆ دووشه‌م خۆپیشانده‌ران و لایه‌نگرانی ڕه‌وتی سه‌در له ناوچه‌ی سه‌وز هێرشیان كرده سه‌ر كۆشكی سه‌لامی سه‌رۆك كۆمار و ئه‌نجوومه‌نی وه‌زیران و به‌شێكی زۆری باڵه‌خانه‌كانی ناوچه‌ی سه‌وزیان كۆنتڕۆڵ كرد، ئه‌مه دوای ئه‌وه‌ی كه موقته‌دا سه‌در ڕێبه‌ری ڕه‌وته‌كه‌یان بڕیاری وازهێنانی هه‌میشه‌یی له كاری سیاسی ڕاگه‌یاند.
کۆمێنت (0)
تا ئێستا هیچ کۆمێنتێک نەکراوە.