سه‌دان لایه‌نگری ڕه‌وتی سه‌در و خۆپیشانده‌رانی شاری به‌غدا چوونه نێو باڵه‌خانه‌ی ئه‌نجوومه‌نی وه‌زیرانی عێراق، دوای ئه‌وه‌ی پێشتر به‌سه‌ر كۆشكی سه‌لامی سه‌رۆك كۆماریان دادابوو.
سه‌ڵاح بامه‌ڕنی په‌یامنێری (كورستان تیڤی) پێی ڕاگه‌یاندین: دوای ئه‌وه‌ی خۆپیشانده‌ران كۆشكی سه‌رۆك كۆماریان له ناوچه‌ی سه‌وزی به‌غدا كۆنتڕۆڵ كرد، ئه‌مجاره ڕووی خۆپیشاندانه‌كانیان به‌ره‌و ئه‌نجوومه‌نی وه‌زیران كرد و چوونه نێو باڵه‌خانه‌ی حكومه‌ت و له‌وێ به سه‌دان خۆپیشانده‌ر بڵاو بوونه‌وه.
ڕاشیگه‌یاند: ئه‌و هێزه ئه‌منییه‌ی كه ئه‌ركی پاراستنی باڵه‌خانه‌ی حكوومه‌تیان له‌ئه‌ستۆیه، بۆ دوورخستنه‌وه‌ی خۆپیشانده‌ران ته‌قه‌یه‌كی زۆریان به‌سه‌ر خۆپیشانده‌راندا كردووه.
هه‌ڵچوونی ئه‌م ئێواره‌یه‌ی خۆپیشانده‌ران و لایه‌نگرانی ڕه‌وتی سه‌در دوای ئه‌وه دێت كه موقته‌دا سه‌در ڕێبه‌ری ڕه‌وتی سه‌در بڕیاری وازهێنانی هه‌میشه‌یی له كاری سیاسی ڕاگه‌یاند.
کۆمێنت (0)
تا ئێستا هیچ کۆمێنتێک نەکراوە.