پیێر ئیمیرك ئۆبامیانگ له‌ لایه‌ن ژماره‌یه‌ك چه‌كداری نه‌ناسراو ڕووبه‌ڕووی په‌لاماردان و دزی لێكردن بووه‌وه‌

 
پیێر ئیمیرك ئۆبامیانگی گابۆنی و یاریزانی یانه‌ی بارسێلۆنا له‌ لایه‌ن چه‌كدارانی نه‌ناسراو ڕووبه‌ڕووی په‌لاماردان و دزی لێكردن بووه‌وه‌.
 له‌مباره‌وه‌ سه‌رچاوه‌كانی پۆلیس له‌ هه‌رێمی كه‌ته‌لۆنیای وڵاتی ئیسپانیا بڵاویانكرده‌وه‌، به‌ره‌به‌یانی رۆژی دووشه‌ممه‌ چوار چه‌كدار هه‌ڵده‌كوتنه‌ سه‌ر ماڵی ئۆبامیانگی ته‌مه‌ن سیی و سێ ساڵ و له‌به‌رده‌م خێزانه‌كه‌ی رووبه‌رووی لێدان و ئه‌شكه‌نجه‌دان ده‌بێته‌وه‌، پاشان ده‌ست به‌سه‌ر زێڕو پاره‌ی یاریزانه‌كه‌و خێزانه‌كه‌ی ده‌گرن و دواتر ماڵه‌كه‌ی جێ دێلێن، دوای ڕووداوه‌كه‌ هێزه‌كانی پۆلیسی ئیسپانیا ده‌ستیان به‌ لێپێچینه‌وه‌و گه‌ڕان و پشكنین به‌دوای ئه‌نجامدانی په‌لاماره‌كه‌ كرد.
 هاوكات سه‌رچاوه‌كانی ده‌نگوباسی ئیسپانیا ئاشكرایانكرد كه‌ ئۆبامیانگ و خێزانه‌كه‌ی ته‌ندروستیان باشه‌و هیچ زیانێكی جه‌سته‌ییان پێنه‌گه‌یشتووه‌.