ڕووسیا گەیاندنی غازی بۆ ئەوروپا ڕاگرت

ئەمڕۆ چوارشەممە رووسیا گەیاندنی غازی لە رێگەی بۆرییەكی گەورەوە بۆ ئەوروپا راگرت و شەڕی ئابوری نێوان مۆسكۆ و برۆكسل چڕتر كرد و ئاسۆی پاشەكشەی ئابووری و دابەشكردنی وزە لە بەشێك لە دەوڵەمەندترین وڵاتانی ناوچەكەی بەرزكردەوە.
زانیارییەكانی خاڵەكانی چوونە ژوورەوە كە نۆرد ستریم 1 بە تۆڕی غازی ئەڵمانیاوە دەبەستنەوە، دەریانخستووە كە ڕۆیشتنی لە ڕێگەی بۆرییەوە بۆ ئەڵمانیا لە ڕێگەی دەریای باڵتیكەوە بۆتە سفر، بەهۆی ئەوەی بڕیارە كارەكانی چاككردنەوە تا كاتژمێرەكانی سەرەتای بەیانی شەممە بەردەوام بن.
داتاكانی پلاتفۆرمی زانیاری بازاڕی وزە سایبێرگەر دەریانخستبوو كە كۆمپانیای زەبەلاحی غازی ڕووسی گازپرۆم ڕۆیشتنی غاز لە بۆری نۆرد ستریم 1 بۆ ئەڵمانیا ڕادەگرێت بۆ ئەوەی بۆ ماوەی 3 ڕۆژ چاكی بكاتەوە.
جێگای سەرنجە كە كۆمپانیای گازپرۆم لە بەیاننامەیەكی پێشوودا ڕایگەیاندبوو كە تاكە یەكەی كۆمپرێسەری غازی ترێنت 60 بۆ ماوەی سێ ڕۆژ ڕادەگرێت بە ئامانجی چاككردنەوە لە 31ی ئابی 2022، كە تەكنیكارانی كۆمپانیای سیمێنس بەشداری تێدا دەكەن.