زانکۆی سەڵاحەدین ئاگاداری قوتابییان دەکاتەوە کە ڕۆژی یەکشەممەی داهاتوو، 04ـی 09ـی 2022 دەوامتی فەرمی لەسەرجەم کۆلێژەکانی سەر بە زانکۆکە دەستپێدەکاتەوە.
ڕاگەیاندنی زانکۆی سەڵاحەدین ڕایگەیاند: قوتابییان ئاگادار دەکەینەوە کە رۆژی یەکشەممەی داهاتوو دەوامی فەرمی لەسەرجەم کۆلێژەکانی سەر بە زانکۆی سەلاحەدین-هەولێر دەستپێدەکاتەوە.
ڕاشیگەیاند: لەگەڵ ئەوەشدا قوتابییانی نیشتەجێی بەشەناوخۆییەکان ئاگادار دەکەینەوە کە لەگەڵ دەستپێکردنەوەی دەوامی فەرمی دەرگای سەرجەم بەشەناوەخۆییەکان بەڕووی قوتاببیاندا دەکرێنەوە و تا ڕێکەوتی 20ـی09ـی 2022 بۆ ماوەی 2 هەفتە بەردەوام دەبین لە دابەشکردنی بەشەناوەخۆیی بەسەر قوتابيیان.
ئاماژەی بەوەش داوە کە پێدانى فۆڕمى پشتگیری بۆ قوتابییانى دەرەوەى شارى هەولێر و نیشتەجێکردنیان لە بەشەناوخۆییەکانى زانكۆی سه‌ڵاحه‌دین بۆ کوڕان و کچان، پێویستە ڕەچاوى ئەم خاڵانەى خوارەوە بكرێت:-
شوێنى جوگرافیا، يان نيشتە جيێبوونيان (35) کیلۆمەتر دووربێت لە هەولێر
دەبێت قوتابى زانکۆ سەڵاحەدین بێت
پێویستە فۆرمى بەشەناوخۆییەکان وەک پشتگیری پێی بدرێت و وێنەى لەسەر بێت لەگەڵ مۆرى تۆمار و واژووى ڕاگر.
دیارىکردنى جۆرى خوێندن ( بەیانیان – ئێواران – پارالێل )
فۆرمى پشتگیری تەنها بدرێتە خودى قوتابیى خۆى.
ئەم پێداویستیانە لە گەڵ فایلەکەى هەبێت
أ - دوو وێنەى ڕەنگاو ڕەنگ .
ب- پسوولەى خۆراک.
ج- پسوولەى پارە ئەگەر خوێندنى ( پارالێل یان ئێواران ) بێت.
د - کارتى زانیارى.
کۆمێنت (0)
تا ئێستا هیچ کۆمێنتێک نەکراوە.