دوای ڕەزامەندی سەرۆکی حکوومەتی هەرێمی کوردستان، بۆڕی پرۆژەی ئاوی ئیفراز 3ـی هەولێر بەدرێژایی 11 کیلۆمەتر نۆژەن دەکرێتەوە و بەمزووانەش دەست بە جێبەجێکردنی دەکرێت.
ئاری ئەحمەد، بەڕێوەبەری گشتیی ئاو و ئاوەڕۆ لە وەزارەتی شارەوانی و گەشتوگوزار، ڕایگەیاند: بۆری پرۆژەی ئاوی ئیفراز3ـی هەولێر، بەدرێژایی 11 كیلۆمەتر نۆژەن دەكرێتەوە و سەرەتا 2 هەزار و 750 مەتری بۆڕییەکە (لە وێستگەی مارعۆدا تاوەکو ناو شاری هەولێر) نۆژەن دەکرێتەوە.
ڕاشیگەیاند: خەرجی نۆژەنكردنەوەی ئەو بەشە 5 ملیار دینارە و زۆرترین شکانیش لەماوەکانی ڕابردوودا لەو بەشەدا بووە، پرۆسەکە ئێستا لە تەندەریندایە و بەمزووانە دەست بە جێبەجێکردنی دەکرێتز
نۆژەنکردنەوەی پرۆژەی ئاوی ئیفراز 3ـی هەولێر لە کاتێکدایە، لە ماوەکانی ڕابردوو لە چەند شوێنێک شکا و دوای ڕەزامەندی مەسرور بارزانی، سەرۆکی حکوومەتی هەرێمی کوردستان، بۆڕییەکە نۆژەن دەکرێتەوە.
کۆمێنت (0)
تا ئێستا هیچ کۆمێنتێک نەکراوە.