نرخی نه‌وت به‌رزبووه‌

به‌ره‌به‌یانی ئه‌مڕۆ هه‌ینی له‌گه‌ڵ كرانه‌وه‌ی بازاڕه‌كانی جیهان، نرخی نه‌وت كه‌مێك به‌رزبوونه‌وه‌ی به‌خۆیه‌وه‌ بینی دوای ئه‌وه‌ی له‌ماوه‌ی ڕابردوو ڕێژه‌یه‌كی زۆری نرخه‌كه‌ی له‌ده‌ستدابوو به‌هۆی مه‌ترسی سه‌رهه‌ڵدانه‌وه‌ی ڤایرۆسی كۆڤید 19 له‌ وڵاتی چین و خاوبوونه‌وه‌ی گه‌شه‌ی ئابووری جیهانی.

ئه‌مڕۆ هه‌ینی هه‌ر به‌رمیلێك نه‌وتی برێنت بڕی 1.20 دۆلاری هاته‌ سه‌ر و ئێستا به‌ 93.56 دۆلار له‌ بازاڕه‌كانی جیهان مامه‌ڵه‌ی پێوه‌ ده‌كرێ.

به‌هه‌مانشێوه‌ نرخی نه‌وتی خاوی تێكساسی ئه‌مه‌ریكیش كه‌مێك به‌رزبوونه‌وه‌ی به‌خۆیه‌وه‌ بینی و 1.16 دۆلاری هاته‌ سه‌ر و گه‌یشته‌ 87.77 دۆلار بۆ هه‌ر به‌رمیلێك.