له یاری كردنه‌وه‌ی گه‌ری چواره‌می خولی یانه‌كانی ئیسپانیا یانه‌ی سێلتافیگۆ میوانداری یانه‌ی كادێزی كردو یاریه‌كه‌شی لێ برده‌وه به ئه‌نجامی سێ گۆلی بێ به‌رامبه‌ر .
یاریه‌كه له شاری ڤیگۆو له‌سه‌ر یاریگای بالایدۆس به‌ریوه چوو ، وێرای هه‌ولی یاریزانانی یانه‌ی سێلتا بۆ تۆمار كردنی گۆل به‌لام له گێمی یه‌كه‌م هیچ گۆلێك تۆمار نه‌كرا .
له گێمی دووه‌م و له خوله‌كی په‌نجاو شه‌ش ئیاگۆ ئاسپاس گۆلی یه‌كه‌می له سوودی خاوه‌ن مال تۆمار كرد ، شه‌ش خوله‌ك دواتر ئۆسكار رۆدریگز سێلتای كرده خاوه‌نی گۆلی دووه‌م .
له خوله‌كی حه‌فتاو پێنجیش ئیاگۆ ئاسپاس گۆلی دووه‌می خۆی و سێیه‌می یانه‌كه‌ی تۆمار كردو كه ئه‌مه‌ش پێنجه‌م گۆلی یاریزانه‌كه‌یه له‌م وه‌رزه تۆماری بكات و له پله‌ی یه‌كه‌می گۆلكارانی خوله‌كه دێت ، یاریش به‌سێ گۆلی بێ به‌رامبه‌ر كۆتایی پێ هات و سێلتافیگۆ دووه‌م بردنه‌وه‌ی تۆمار كردو به حه‌وت خال له پله‌ی شه‌شه‌می ریزبه‌ندی دێت ، یانه‌ی كادێزیش تووشی چواره‌م دۆراندن هات و به‌بێ هیچ خالێك له پله‌ی بیسته‌م و كۆتایی ریزبه‌ندی دێت .
له‌لالیگادا سێڵتاڤیگۆ سه‌ركه‌وتنی به‌سه‌ر كادێز تۆماركرد
100%
کۆمێنت (0)
تا ئێستا هیچ کۆمێنتێک نەکراوە.