مادێح مورادی هاووڵاتیی خەڵکی گوندی سەرهۆیە سەر بە شاری سنە ڕۆژی هەینی 2 ى 9 ى 2022، لەلایەن هێزە ئەمنییەکانی کۆماری ئیسلامیی ئێرانەوە دەستبەسەر کرا و بۆ شوێنێکی نادیار گوازرایەوە.
بەپێی هەواڵی گەیشتوو بە ڕێکخراوی مافی مرۆڤی هەنگاو، مادێح مورادی تەمەن 40 ساڵ و دانیشتووی گوندی سەرهۆیە لە کاتێکدا سەرقاڵی هەنگەوانی بووە لە شوێنی کارەکەی بانگ کراوەتەوە بۆ ناو گوند و لەوێ دەستبەسەر کراوە و بۆ شوێنێکی نادیار گوازراوەتەوە.
سەرچاوەکانی هەنگاو ڕایانگەیاندووە کە هێزە ئەمنییەکان لە کاتی دەستبەسەرکردنی مادێح مورادی توندوتیژییان بەکارهێناوە و بە چاو بەستراوی بردوویانە.
مادیح مورادی پێشتریش له 4 ى 7 ى 2022 لەلایەن هێزە ئەمنییەکان دەستبەسەر و ماوەی دوو مانگ لە دەستبەسەرگەی ئیتلاعاتی سنە بووە.
شایانی باسە مادێح مورادی تەمەن 40 ساڵ خێزاندار و باوکی منداڵێکە. هەروەها دایکی بەتەمەنی مادێحیش جەڵتەی دڵ لێی داوە و لە ماڵی کوڕەکەی دەمێنێتەوە و مادێح ئاگاداری دەبێت.
کۆمێنت (0)
تا ئێستا هیچ کۆمێنتێک نەکراوە.