بەگوژمەى 266 ملیۆن دینار ئەمڕۆ شەممە 03ـی 09ـی 2022 دەست بە قیڕتاوکردنى شەقامەکانى گەڕەکی ڕۆشنبیری کرا.
لەمبارەیەوە پارێزگای هەولێر ڕایگەیاند: پڕۆژەى قیڕتاوکردنى شەقامەکانى گەڕەکى ڕۆشنبیرى بەگوژمەى 266 ملیۆن دینار لەسەر داهاتى 15%ـى سەرۆکایەتى شارەوانى هەولێر وەک قۆناغی یەکەم بڕی 19,000م2 قیڕتاو دەکرێت و ڕاستەوخۆ لەلایەن کارگەی قیری چاککردن و پاراستنی رێگاو بانی هەولێر جێبەجێ دەکرێت.
ئەوەشی خستەڕوو کە لەم پڕۆژەیەش ئێستا لە چوارچێوەى پڕۆژەکانى پەرەپێدانى پارێزگاى هەولێر و لەسەرداهاتى 15%ـى سەرۆکایەتى شارەوانى هەولێر، چەندین پڕۆژەى دیکەى دروستکردنى شەقام و قیڕتاوکردن و کارکردن لەچەندین گەڕەک و شوێنی ترى شارى هەولێر دەستیپێکردووە.
ڕاگەیاندنی پارێزگای هەولێر ناوی ئەو گەڕەکانەشی ئاشکرا کردووە کە پێکهاتووە لە گەڕەکەکانى سیمى خاتوناوە، سێبەردان و هەولێری نوێ.
کۆمێنت (0)
تا ئێستا هیچ کۆمێنتێک نەکراوە.