له میانه‌ی به‌شداریكردن له به‌رنامه‌ی مژار ـ سه‌باره‌ت به پرسی ئـاینـدەی پـڕۆسەی سـیاسـی عـێراق، دژوار فـایـەق ـ چـاودێری سـیاسـی لای خۆیه‌وه ڕایگه‌یاند: به‌داخه‌وه ئه‌و ئاڵۆزییه‌ی نێوان شیعه‌كان به كۆتا نه‌هاتووه، چوارچێوه‌ی هه‌ماهه‌نگی ده‌ڵێن حكوومه‌ت پێك ده‌هێنیین، سه‌دریه‌كان كۆبوونه‌وه‌ی په‌رله‌مان ڕه‌ت ده‌كه‌نه‌وه، گرژییه‌كان به‌رده‌وامن، له‌نێوان تشرینییه‌كان و سه‌دریه‌كان و چوارچێوه‌ی هه‌ماهه‌نگی، تاوەکو ئێستا هیچ شتێكی دڵخۆشكه‌ر نییه. ئه‌وه‌ی بارودۆخه‌كه‌ی هێور كردۆته‌وه ته‌نیا فشاره، فشاری ده‌ره‌كی زۆر كاریگه‌ری هه‌بووه .
ڕاشیگەیاند: كێشه‌ی ئێستا یاسای هه‌ڵبژاردنه، زۆر پارته سیاسییه‌كان وایانده‌زانی كه زۆرینه ده‌هێنن، ئه‌وه‌ش كێشه‌ی گه‌وره‌ی نایه‌وه، به‌وه گه‌وره‌ترین كێشه بۆ پڕۆسه‌ی سیاسی عێراق دروست بووه.
دژوار فایه‌ق گوتیشی: عێراق بنه‌مای بوون به ده‌وڵه‌ت بوونی له ده‌ست دایه.
مـەحمـا خـەلیل ـ ئەنـدامی پـەرلەمانی عـێراق لە فراکسـیۆنی پ.د.ک لای خۆیه‌وه ڕایگه‌یاند: پرۆسه‌ی سیاسی عێراق پێویست بوو حكوومه‌تێكی خزمه‌تگوزاری دروست بێت، به‌ڵام چوارچێوه‌ی هه‌ماهه‌نگی نایه‌نه سه‌ر هێڵ و گرفته‌كان چاره‌سه‌ر بكه‌ن . له ناو ماڵی عێراقیدا نه‌توانراوه رێكبكه‌ون به‌وه‌ی دانیشتنی په‌رله‌مان به‌ریوه بچێت، كیشه‌كان به‌رده‌وامی هه‌یه له رابردوو و دوای چله‌ی حوسەینیش.
به‌ڕای مه‌حما خه‌لیل، چوارچێوه‌ی هه‌ماهه‌نگی و ڕه‌وتی سه‌در ناگه‌نه هیچ رێككه‌وتنێك. ڕوونیشی كرده‌وه كه دادگەی فیدراڵی مافی ئه‌وه‌ی نییه، بڕیاری هه‌ڵوه‌شاندنه‌وه‌ی په‌رله‌مان بدات.
کۆمێنت (0)
تا ئێستا هیچ کۆمێنتێک نەکراوە.