لە قەزای قەرەداخی سەر بە پارێزگای سلێمانی چەکدارێک ژمارەیەک پۆلیس و کارمەندانی ئاسایش بریندار دەکات، تاوەکو ئێستا ڕووبەڕووبوونەوە بەردەوامە.
بەپێی زانیارییەکانی (کوردستان تیڤی)، دوای ئەوەی ماتۆڕسکیلێک لە بازگەی ئاسایشی قەرەداخ هەوڵی وەستاندنی دراوە، لە دەست هێزەکانی ئاسایش ڕایکردووە و چووەتە نێو خانووێک، بە چەک و نارنجۆک ڕووبەڕووی هێزە ئەمنییەکانی ناوچەکە بووەتەوە.
هەر بەپێی زانیارییەکان، بەهۆی ڕووبەڕووبوونەوەکە تاوەکو ئێستا 8 کەس لە کارمەندانی پۆلیس و ئاسایش بریندارە، کەسێکی دیکەی مەدەنیش بریندار بووە.
زانیارییەکان ئاماژە بەوە دەدەن کە گومان دەکرێت چەکدارەکە داعش بێت، بەڵام تاوەکو ئێستا پشتڕاست نەکراوە.
کۆمێنت (0)
تا ئێستا هیچ کۆمێنتێک نەکراوە.