دوای ئەوەی کەمێک پێش ئێستا، چەکدارێک ژمارەیەک لە کارمەندانی پۆلیس و ئاسایشی قەرەداخی بریندار کرد، لە ڕووبەڕووبوونەوەی لەگەڵ هێزە ئەمنییەکان کوژرا.
سەرچاوەیەک بە (کوردستان تیڤی) ڕاگەیاند کە دوای ڕووبەڕووبوونەوەیەکی چڕ لەگەڵ هێزە ئەمنییەکانی ناوچەکە، توانرا ئەو چەکدارە بکوژرێت.
ڕاشیگەیاند: تاوەکو ئێستا ناسنامەی ئەو چەکدارە دیار نییە و نەناسراوە، بەڵام گومان دەکرێت داعش بێت.
ئێوارەی ئەمڕۆ یەکشەممە ماتۆڕسکیلێک لە بازگەی ئاسایشی قەرەداخ هەوڵی وەستاندنی دراوە، لەدەست هێزەکانی ئاسایش ڕایکردووە و چووەتە نێو خانووێک، بە چەک و نارنجۆک ڕووبەڕووی هێزە ئەمنییەکانی ناوچەکە بووەتەوە.
چەکدارەکە 8 کەسی لە هێزە ئەمنییەکان و کەسێکی دیکەی مەدەنیشی بریندار کردووە.
کۆمێنت (0)
تا ئێستا هیچ کۆمێنتێک نەکراوە.