پۆلیسی کەنەدا ڕایگەیاند، لە دوو ناوچەی دوورەدەستی کەنەدا بە چەقۆ هێرش کرایە سەر خەڵک و ژمارەیەک کوژراو و برینداری لێکەوتەوە.
لە پارێزگای ساسکاچوان، لە دوو هێرشدا 10 کوژراو و 15 برینداری لێکەوتەوە، پۆلیسی ناوچەکە دەڵێت، هێرشەکە لەلایەن دوو کەسەوە ئەنجام دراوە و ئێستاش گەڕان بەدوای تۆمەتبارانی ڕووداوەکە دەستی پێ کردووە.
جەستن ترۆدۆ، سەرۆک وەزیرانی کەنەدا لەمبارەیەوە لە تۆڕی کۆمەڵایەتی تویتەر ڕایگەیاند: هێرشەکانی ئەمڕۆ لە ساسکاچوان ترسناک و دڵشکێنە، هاوخەمی خۆم بۆ ئەو کەسانە دەردەبڕم کە ئازیزانیان لەدەست داوە و ئەوانەشی بریندار بوون.
کۆمێنت (0)
تا ئێستا هیچ کۆمێنتێک نەکراوە.