ژمارەیەك زانای رووسی لەسەنتەری ڤیكتۆر بۆ لێكۆڵینەوەی زانستی رێگایەكی نوێ و خێرایان بۆ دەستنیشانكردنی نەخۆشیەكان دۆزیەوە و ئەم رێگا نوێیە بریتیە لە پشكنینی یەك دڵۆپ خوێن بۆ دۆزینەوەی نەخۆشیە درێژخایەنەكانی وەك نەخۆشی دەماغ و دڵ و دەمارەكان و هەندێك لە جۆرەكانی شێرپەنجە.
د.مارگرێت كروتچینیا رایگەیاند: رێگا كۆنەكانی پشكنینی خوێن رێگانادات بەدەستنیشانكردنی ئاماژەی سەرجەم نەخۆشیەكان ، بەڵام ئەم رێگا نوێە زۆر پێشكەوتووترە و بنەمای پشكنینەكە بریتیە لەرەوانەكردنی كارەبا بۆ خرۆكە سوورەكانی خوێن و دواتر لێكۆڵینەوە لەخڕۆكە سوورەكانی خوێن دەكرێت بۆ دەستنیشانكردنی نەخۆشیەكان.
بەپێی ڕێگا نوێیەكە یەك دڵۆپ خوێن وەردەگیرێت و دەخرێتە ژێر لێكۆڵینەوە و لەوێوە زانیارییەكان رەوانەی كۆمپیوتەر دەكرێت و شیدەكرێنەوە و سەرجەم پرۆسەكە لەماوەی 5 دەقیقەدا ئەنجام دەدرێت و دەتوانرێت لەم رێگا نوێیەوە نەخۆشیەكانی دەماغ و دڵ و دەمارەكان و هەندێك لەجۆرەكانی شێرپەنجە دەستنیشان بكرێت.
ڕاگەیاندنی تەندروستی سلێمانی
کۆمێنت (0)
تا ئێستا هیچ کۆمێنتێک نەکراوە.