له‌یاری كۆتایی جامی پاله‌وانانی تۆپی ده‌ستی فه‌ره‌نسا، هه‌ردوو تیپی تۆپی ده‌ستی نانت و پاریس سان جێرمان رووبه‌رووی یه‌كتر بوونه‌وه، یاریه‌كه به‌ئه‌نجامی سی و حه‌وت گۆڵ به‌رامبه‌ر به‌سی و سێ گۆڵ به‌سه‌ركه‌وتنی تیپی تۆپی ده‌ستی نانت ته‌واو بوو.
له‌گێمی یه‌كه‌م هه‌ردوولا ئاستیان هاوسه‌نگ بوو، دواجار ئه‌م گێمه به‌ئه‌نجامی نۆزده گۆڵ به‌رامبه‌ر به‌حه‌ڤده گۆڵ له‌به‌رژه‌وه‌ندی پاریسی پاله‌وانی خولی فه‌ره‌نسا بوو، له‌گێمی دووه‌م نانت توانی رێره‌وی یاریه‌كه بۆ به‌رژه‌وه‌ندی خۆی هه‌لگه‌رێنێته‌وه‌و تا كۆتایی به‌ئه‌نجامی سی و حه‌وت گۆڵ به‌رامبه‌ر به‌سیب و سێ گۆل سه‌ركه‌وتن به‌سه‌ر پاریس سان جێرمان تۆمار بكات.
به‌م بردنه‌وه‌یه تیپی تۆپی ده‌ستی نانت بۆ دووه‌مین جار له‌مێژوو بووه براوه‌ی نازناوی جامی پاڵه‌وانانی فه‌ره‌نسا بۆ تۆپی ده‌ست.
کۆمێنت (0)
تا ئێستا هیچ کۆمێنتێک نەکراوە.