ئەمڕۆ دووشەممە 05ـی 09ـی 2022 دەزگای گشتی کاروباری مین بە لەناوبردنی ژمارەیەک مین و تەقەمەنی کۆتایی بە پاککردنەوەی دووکێڵگەی مین لە دەڤەری مێرگەسۆر لە پارێزگای هەولێر هێنا.
فەرمانگەی میدیا و زانیاری ڕایگەیاند: کارەکە لەلایەن تیمەکانی لەناوبردن EOD ئەنجام دراو، بەمەش کۆتایی بە کارکردن لە پاککردنەوەی دوو کێڵگەی بە مینڕێژکراو لە گوندی بریاوە لە دەڤەری مێرگەسۆر هات.
ڕاشیگەیاند: ئەو دوو کێڵگە مینە تەنیا 300 مەتر لە گوندی بریاوە دوور بوون، کە ڕووبەرەکەیان 11 هەزار مەتر دووجا بوو و لە ماوەی ڕابردووشدا لەو دوو کێڵگە مینە 4 کەس بوو بوونە قوربانی.
ئاماژەی بەوەش داوە کە بە پاککردنەوەیان وێڕای ئەوەی مەترسی لەسەر گیانی هاووڵاتییان لەو گوندە نامێنێت، لە هەمانکاتدا بۆ کاری لەوەڕگە و گژوگیای بەهاریش دەتوانرێت سوودی لێ ببینرێت و بەمەش ڕووبەڕێکی تر لە خاکی پیسبوو بە مین لە کوردستان پاککرایەوە.
کۆمێنت (0)
تا ئێستا هیچ کۆمێنتێک نەکراوە.