ئەمڕۆ دووشەممە 05ـی 09ـی 2022 گەڕی دووەمی دیالۆگی نیشتمانی نێوان لایەنە سیاسییەکانی عێراق بەڕێوەچوو.
مستەفا کازمی، سەرۆک وەزیرانی عێراق لەگەڵ سەرۆک و نوێنەری لایەنە سیاسییەکانی عێراق، بە ئامادەبوونی جینین پلاسخارت نوێنەری سکرتێری گشتی نەتەوە یەکگرتووەکان لە عێراق کۆبووەوە، بۆ تاوتوێکردنی دوایین پێشهات و گۆڕانکارییە سیاسییەکانی ناوخۆی وڵات.
لە کۆبوونەوەکە چەند بڕیارێک دران کە ئەمانەن:-
- ئامادەبووان جەختیان لەسەر پاراستنی سەقامگیری و پاراستنی وڵات کردەوە، پاڵپشتی خۆیان بۆ ئارامکردنەوە و ڕێگریکردن لە پەرەسەندنی توندوتیژی دووپات کردەوە. جەختیشیان لەسەر بەردەوامبوون لە دیالۆگی نیشتمانی کردەوە.
- بڕیاری پێکهێنانی لێژنەیەک درا، بۆ لێکتێگەیشتن و نزیکبوونەوەی زیاتری لایەنەکان، بە مەبەستی ئەنجامدانی هەڵبژاردنی پێشوەختە و جێبەجێکردنی پێداویستییەکان و پێداچوونەوە بە یاسای هەڵبژاردنەکان.
- ئامادەبووان جەختیان لە چالاککردنی دامەزراوەکان و شایستە دەستوورییەکان کردەوە.
- بانگهێشتی ڕەوتی سەدر بۆ بەشداریکردن لە کۆبوونەوەکان کرا.
- جەختیان لەسەر نەهێشتنی ئەو گوتارانە کردەوە کە زیان بە پێکەوژیانی هێزە نەتەوەییەکان دەگەیەنێت.
- ئامادەبووان جەختیان لەسەر پێویستی چاکسازی لە پێکهاتەی وڵاتی عێراق کردەوە.
کۆمێنت (0)
تا ئێستا هیچ کۆمێنتێک نەکراوە.