نیوه‌ڕۆی ئه‌مڕۆ دووشه‌م له شارۆچكه‌ی كه‌لار ته‌قه له مامۆستایه‌ك ده‌كرێ و بریندار ده‌بێت، پۆلیسی گه‌رمیانیش به‌دوای ناسنامه‌ی ته‌قه‌كه‌ره‌كه‌وه‌یه بۆ ئه‌وه‌ی ده‌ستگیری بكه‌ن.
موقه‌ده‌م عه‌لی جه‌مال قدووری گوته‌بێژی پۆلیسی گه‌رمیان ڕایگه‌یاند: نیوەڕۆی ئەمڕۆ دووشه‌م لە گەڕەکی ڕاپەڕینی شارۆچكه‌ی کەلار لەنێو ئۆتۆمبێلێکی جۆری بیکاشۆ، لەلایەن کەسانی نەناسراوەوە لەپێش دەرگای ماڵی خۆیان تەقە لەمامۆستایەکی ئامادەیی شێروانە کرا و فیشەک بەر دەستی کەوتووە و بریندار بووە.
ڕاشیگه‌یاند: ئێستا مامۆستا برینداره‌كه لە نەخۆشخانەی فریاکەوتنی شەهید هەژار لە کەلار چارەسەری پێویستی بۆ کراوە و دادوەر بەپێی ماددەی 406 ف 31 فەرمانی دەستگیرکردنی بۆ تۆمەتبار دەرکردووە.
هه‌روه‌ها ڕایگه‌یاند: پۆلیس چۆتە شوێنی ڕووداوەکە و دەستیان بە لێکۆڵینەوە کردووە و لە هەوڵی ئاشکراکردنی ناسنامەی و دەستگیرکردنی تۆمەتباردان.
وێنه‌ی ئه‌و مامۆستایه‌ی ئه‌مڕۆ له كه‌لار بریندار كراوه:-
کۆمێنت (0)
تا ئێستا هیچ کۆمێنتێک نەکراوە.