قایمقامی سۆران: چوار مووشه‌ك ئاراسته‌ی گوندێكی خه‌لیفان كران

قایمقامی سۆران له‌ لێدوانێكی تایبه‌تدا بۆ (ماڵپه‌ڕی كوردستان تیڤی) ئاشكرای كرد كه‌ ئه‌مشه‌و چوار مووشه‌ك ئاراسته‌ی گوندێكی سنووری شاره‌دێی خه‌لیفان كراون.

مه‌غدید ئه‌حمه‌د قایمقامی سۆران ڕایگه‌یاند: ئه‌مشه‌و دووشه‌م و كه‌مێك پێش ئێستا چه‌ند مووشه‌كێك له‌ ده‌وروبه‌ری گوندی تاراوه‌ له‌ سنووری شاره‌دێی خه‌لیفان كه‌وتوونه‌ته‌ خواره‌وه‌.

راشیگه‌یاند: به‌گوێره‌ی زانیارییه‌ سه‌ره‌تاییه‌كان ژماره‌ی مووشه‌كه‌كان چوارن و له‌ ده‌وروبه‌ری گوندی تاراوه‌ كه‌وتوونه‌ته‌ خواره‌وه‌.

هه‌روه‌ها رایگه‌یاند: هێزه‌ ئه‌منییه‌كانی سنووری شاره‌دێی خه‌لیفان و ناوچه‌كه‌ چوونه‌ته‌ شوێنی ڕووداوه‌كه‌ و خه‌ریكی لێكۆڵینه‌وه‌ن.

ئاماژه‌ی به‌وه‌ش دا كه‌ به‌هۆی ئه‌وه‌ی ڕووداوه‌كه‌ تازه‌ ڕوویداوه‌ و زانیارییه‌كان سه‌ره‌تایین، نازانرێ مووشه‌كه‌كان له‌ چ شوێنێك ئاراسته‌ی گونده‌كه‌ كراون، هه‌روه‌ها دیاریش نییه‌ زیانه‌كان چین.