ئێواره‌ی ئه‌مڕۆ سێشه‌م ئومێد خۆشناو پارێزگاری هەولێر بە یاوەری قائیمقامی ناوەند و سەرۆکی شارەوانی ئەو دوکانانەی بەسەر کردەوە کە لە بازاڕی شێخه‌ڵای شاری هه‌ولێر ئاگری تێکەتبوو.
پارێزگاری هەولێر له سه‌ردانه‌كه‌دا لە وردەکاری و هۆکاری ئاگرکەوتنەوەکەی پرسییەوە کە لێکۆلینەوە لە بارەیەوە بەردەوامە.
خۆشحاڵی خۆشی دربڕی کە ئاگرەکە جگه له زیانی ماددی، هیچ زیانێكی گیانی لێ نه‌كه‌وته‌وه.
ئاگره‌كه سه‌ره‌تا له دووكانێكی پلاستیك و باغه‌‌فرۆش دروستببوو و دواتریش بۆ چه‌ند دواكانێكی چوارده‌وری گواسترابووه‌وه.
ئومێد خۆشناو پارێزگاری هەولێر سوپاسی تیمه‌كانی به‌رگریی شارستانی کرد کە ماندوونەناسانە توانیان به ماوه‌یه‌كی كه‌م ئاگره‌كه کۆنترۆل بکەن و نه‌هێڵن زیاتر ته‌شه‌نه بكات.
کۆمێنت (0)
تا ئێستا هیچ کۆمێنتێک نەکراوە.