یانه‌ی ریال مه‌دریدی ئیسپانی ئه‌مڕۆ چوارشه‌م قه‌باره‌ی ئه‌و پێكانه‌ی ئاشكرا كرد كه هێرشبه‌ره فڕه‌نسییه‌كه‌ی كه‌ریم به‌نزیما تووشی هاتووه.
یانه‌ی ریال مه‌درید له به‌یاننامه‌یه‌كی فه‌رمیدا ئاشكرای كرد: دوای ئه‌نجامدانی چه‌ند پشكنینێكی وردی پزیشكی بۆ به‌نزیما له‌لایه‌ن پسپۆرانی یانه‌كه‌مان، ده‌ركه‌وت هێرشبه‌ره فڕه‌نسییه‌كه تووشی پێكانی ماسوولكه‌كانی ڕانی ڕاستی بووه.
یانه‌كه ماوه‌ی دووركه‌وتنه‌وه و یارینه‌كردنی به‌نزیمای ئاشكرا نه‌كرد، به‌ڵام سه‌رچاوه ڕۆژنامه‌وانییه‌كانی ئیسپانیا ئاماژه‌یان به‌وه‌دا كه دووركه‌وتنه‌وه‌كه‌ی له‌نێوان 7 تا 10 ڕۆژ ده‌بێت.
جێی باسه یانه‌ی ریال مه‌درید شه‌وی ڕابردوو له یه‌كه‌م یاریی قۆناغی كۆمه‌ڵه‌كانی خولی یانه پاڵه‌وانه‌كانی ئه‌وروپا به 3 گۆڵی بێ وه‌ڵام له یانه‌ی سێلتیكی سكۆتله‌ندی برده‌وه، هه‌ر له‌و یارییه‌دا به‌نزیما تووشی پێكان بوو و نه‌یتوانی تا كۆتایی له یاریكردن به‌رده‌وام بێت.
کۆمێنت (0)
تا ئێستا هیچ کۆمێنتێک نەکراوە.