ده‌زگای ئاسایشی نیشتمانی عێراق ئه‌مڕۆ هه‌ینی ده‌ستگیركردنی باندێكی بازرگانیكردن و فرۆشتنی منداڵانی له پارێزگای به‌غدای پاته‌خت ڕاگه‌یاند.
ده‌زگاكه له ڕاگه‌یه‌نراوێكدا ئاشكرای كرد: دوای كۆكردنه‌وه‌ی زانیاری وردی هه‌واڵگری له‌سه‌ر بوونی باندێكی بازرگانیكردن و فرۆشتنی منداڵان له پارێزگا به‌غدا، به هاوكار تیمه‌كانی وه‌زاره‌تی ناوخۆ ئه‌مڕۆ هه‌ینی دوای ئاشكراكردنی شوێنی بانده‌كه به‌سه‌ر شوێنه‌كه‌یان دادرا.
ئاشكراشی كرد: له كاتی چوونی هێزه ئه‌منییه‌كان بۆ شوێنه‌كه، دوو ئافره‌ت ده‌ستگیركران كه له‌نێو مامه‌ڵه‌ی فرۆشتنی منداڵێكی تازه‌له‌دایكبوو بوون.
ئاماژه‌ی به‌وه‌ش دا كه ئێستا هه‌ردوو ئافره‌ته‌كه ده‌ستگیركراون و ڕاده‌ستی لایه‌نی په‌یوه‌ندار كراون بۆ ئه‌وه‌ی ڕێكاری یاساییان به‌رامبه‌ر بگیرێته‌به‌ر.
کۆمێنت (0)
تا ئێستا هیچ کۆمێنتێک نەکراوە.