لێژنەی ئۆلۆمپی هەرێمی کوردستان کۆبۆوە و بریارو راسپاردەی نوێی دەرکرد

بەئامادەبونی سەرۆک و جێگر و ئەمینداری گشتی و دارایی و ئەندامانی مەکتەب، کۆبوونەوەی مەکتەبی تەنفیزی لێژنەی ئۆلۆمپی هەرێمی کوردستان ئەنجامدرا.
لە کۆبوونەوەکەدا ئەم بریاڕ و راسپاردانە دەرکران:
1 ـ راپۆرتی ئەمینداریەتی گشتی یەکێتییە وەرزشییەکان لەسەر چاڵاکی هەردوو مانگی شەش و حەوت پەسند کرا.
2 ـ راپۆرتی دارایی لەسەر خەرجی دارایی بۆ چاڵاکی یەکێتییە وەرزشییەکان پەسندکرا.
3ـ ئاگاداری لقی یەکێتی وەرزشی شارەکان کرایەوە لەکاتی ئەنجامدانی چاڵاکییەکانیان هەماهەنگی و ئاگاداری و وێنەیەک بدرێت بە یەکێتییە ناوەندییەکان بۆ ئەوەی لەتۆماری ناوەندیدا تۆماربکرێت.
4ـ تاوتوێی راپۆرتی نوێنەرایەتی لێژنەی ئۆلۆمپی  شارەکانکرا لەبارەی پێشنیازەکانیان لەبارەی ئەو یەکێتییە وەرزشیانەی خاوەن هۆڵن.
5 ـ سەردانی د.ئەحمەد قاسم سەرۆکی نوێنەرایەتی دهۆکی لێژنەی ئۆلۆمپی بۆ وڵاتی بولگاریا تاوتوێکرا،  کە لەو سەردانیەدا تاوتوێی پرسی پەیوەندییەکانی لێژنەی ئۆلۆمپی هەرێمی کوردستان و وڵاتی بولگاریا کرا ، هەروەها تاوتوێی ئەو بانگهێشتنامەیە کرا کەبولگاریا پێشکەشی لێژنەی ئۆلۆمپی کردووە کەسەردانی دامەزراوە وەرزشییەکانیان بکرێت و گفتوگۆ و پەیوەندی وەرزشی دروست بکرێت.
6ـ نامەی کونسوڵیەتی کۆریای باشوور کە ئاراستەی لێژنەی ئۆلۆمپی هەرێمی کوردستان کرا لەمەڕ دروستکردنی پەیوەندی وەرزشی لەنێوان یەکێتی ناوەندی تایکواندۆی کوردستان و یەکێتی تایکواندۆی کۆریای باشوور.
7ـ تاوتوێی بانگهێشتنامەی وڵاتی ئێران بۆ نوێنەرایەتی سلێمانی کرا تایبەت بەپەیوەندی و هەماهەنگی لەکارو چاڵاکی وەرزشی لەنێوان شاری سلێمانی  و وڵاتی ئێران.
8ـ‌ یەکێتیە وەرزشییەکان ئاگادار دەکرێنەوە کەلەکاتی کاروچاڵاکییەکان هەماهەنگی باشتر لەگەل راگەیاندن بکەن  وێنەیەکێش لەچاڵاکییەکانینان بدەن بەراگەیاندنی لێژنەی ئۆلۆمپی هەرێمی کوردستان.
لەکۆتاییدا لێژنەی ئۆلۆمپی هەرێمی کوردستان ، سوپاس و پێزانینی خۆی بۆ سەرۆکایەتی حکومەت و بەرپرسانی دیکەی لایەنی پەیوەندیدار کرد، لەمەڕ پاڵپشتیان بۆ لێژنەی ئۆلۆمپی هەرێمی کوردستان.
راگەیاندنی لێژنەی ئۆلۆمپی هەرێمی کوردستان