شەش رۆژ لە فەللوجە دووبارە دەبێتەوە ؟

دزەپێكراوەكانی نوێ ئاشكرایان كردووە كە ڤێرژنی 2024ی یاری "Call of Duty" یان "Call of Duty" تایبەت دەبێت بە شەڕی عێراق.
هەژماری "جنۆكەی هیوا" لە تویتەر كە بە پێشبینییە وردەكان لەبارەی یارییەكە ناسراوە، نووسیویەتی ڕووداوەكانی پەخشی "Call of Duty" كە لە ساڵی 2024دا بڵاودەكرێتەوە، لە دەوری شەڕی عێراق دەسوڕێتەوە كە لە ساڵی 2003 ڕوویداو لەو شەڕی مۆگادیشۆ كە چەند ساڵێك پێش ئەو شەڕە ڕوویدا.
ماڵپەڕی GameSpot بڵاویكردووەتەوە، كۆمپانیای Activision كە گەشەپێدەری یاری Call of Duty یە، تا ئێستا بە فەرمی شێوەی وەشانی نوێی یارییەكەی ئاشكرا نەكردووە.
سایتەكە ئاماژەی بەوەشكردووە، ئەگەر بڕوا بەو دزەكردنانە بكرێت كە پەیوەندییان بە شەڕی عێراقەوە هەیە، ئەگەری زۆرە وەشانی نوێی یارییەكە مشتومڕ دروست بكات، وەك ئەوەی لە ڕابردوودا لەگەڵ یاری "شەش ڕۆژ لە فەللوجە" ڕوویدا.
ڕاپۆرتەكان لەو كاتەدا ئاماژەیان بەوە كردبوو كە عێراقییەكان ترسیان لەوە هەبووە كە خستنە بازاڕی یاریی "شەش ڕۆژ لە فەللوجە" "برین و برینە كۆنەكان بكاتەوە" و ئەو بەڵایەیان بیربخاتەوە كە لە ئەنجامی شەڕەكانی وڵاتەكەیان تووشی بوون.
جێگای ئاماژەیە كە یاری "Call of Duty" كە چەندین خەڵاتی نێودەوڵەتیی بەدەستهێناوە، یەكەم كۆپی لە ساڵی 2003 لەسەر كۆمپیوتەر بڵاوكرایەوە، دواتر بە شێوەیەكی بەرفراوان لە پلاتفۆرمی تری یاریكردندا بڵاوبووەوە وەك پلەیستەیشن و ئێكس بۆكس و مۆبایلەكان.