به‌يانيى ئه‌مڕۆ يه‌كشه‌ممه 2022/9/11 نێچيرڤان بارزانى، سه‌رۆكى هه‌رێمى كوردستان، يه‌كه‌مين پرسه‌نامه‌ى بۆ كۆچى دواييى شاژن ئێلێزابێسى دووه‌م، شاژنى كۆچكردووى شانشینی یەکگرتوو له تۆمارى پرسه‌دا نووسى كه له هه‌ولێر له‌لايه‌ن كونسولخانه‌ى گشتيى به‌ريتانياوه كراوه‌ته‌وه.
له پرسه‌نامه‌كه‌دا نێچيرڤان بارزانى، سه‌ره‌خۆشيى خۆى و گه‌لى كوردستانى به شا چارلزى سێيه‌م و خانه‌واده‌ى شاهانه و گه‌لى شانشینی یەکگرتوو و وڵاتانى كۆمۆنوێلس گه‌ياند و هاوخه‌مى و هاوسۆزى له‌گه‌ڵياندا ده‌ربڕى.
نێچيرڤان بارزانى هه‌روه‌ها ئاماژه‌ى به پێگه و خۆشه‌ويستيى شاژن ئێلێزابێسى دووه‌م له‌سه‌ر ئاستى جيهان كرد و دووپاتى كرده‌وه كه له‌م كاته سه‌خته‌دا بيرى خۆى و هاووڵاتيانى هه‌رێمى كوردستان لاى خاوه‌نشكۆ شا و خانه‌واده‌ى شاهانه‌ى شانشینی یەکگرتووه.
کۆمێنت (0)
تا ئێستا هیچ کۆمێنتێک نەکراوە.