لە یاری کۆتایی پاڵەوانێتی ئەمریکای کراوەدا، یاریزانی ئیسپانی، کارلۆس ئالکاراز لە یاریزانی نەرویجی، کاسپەر رودی بردەوە.
هەریەکە لە ئالکاراز و رود لە پۆلێنبەندی پیاواندا لە رکابەریدابوون بۆ بەدەستهێنانی نازناوی پاڵەوانێتیی ئەمریکای کراوە کە دوایین پاڵەوانێتی تێنسی گراند سلامە.
لە کۆمەڵەی یەکەمی یارییەکەدا کە لە شاری نیویۆرک بەڕێوەچوو، ئالکاراز بە ئەنجامی ٦-٤ لە رودی بردەوە، بەڵام لە کۆمەڵەی دووەمدا، رود بە ئەنجامی ٦-٢ براوە بوو و لە کۆمەڵەی سێیەم و چوارەمدا، ئالکاراز توانی بە ئەنجامەکانی ٧-٦ و ٦-٣ لە رود بباتەوە و نازناوی پاڵەوانێتی ئەمریکای کراوە لە پۆلێنبەندی پیاواندا بە دەست بهێنێت.
کارلۆس ئالکارازی تەمەن ١٩ ساڵ لە دوای پێت سامپارس (١٩٩٠) گەنجترین پاڵەوانی ئەمریکای کراوە و لە دوای رافائێل نادال (پاڵەوانێتی ٢٠٠٥ی کراوەی فەڕەنسا) گەنجترین پاڵەوانی گراند سلامە.
لە بەرامبەریشدا یاریزانی نەرویجی، کاسپەر رود ئەمساڵ براوەی پاڵەوانێتی فەڕەنسای کراوە بوو و بۆ یەکەم جاریش لە مێژووی خۆیدا، گەیشتە قۆناغی کۆتایی پاڵەوانێتی ئەمریکای کراوە.
کۆمێنت (0)
تا ئێستا هیچ کۆمێنتێک نەکراوە.