ئه‌مڕۆ دووشه‌م له شارۆچكه‌ی كه‌لار هاووڵاتییه‌ك دوای ئه‌وه‌ی بۆ ماوه‌ی 45 خوله‌ك دڵی له لێدان ڕاده‌وه‌ستێت، ژیانی بۆ ده‌گه‌ڕێنرێته‌وه و ئێستاش باری ته‌ندروستی جێگیره.
نه‌خۆشخانه‌ی فریاكه‌وتنی شه‌هید هه‌ژار له شارۆچكه‌ی كه‌لار ڕایگه‌یاند: ئەمڕۆ دووشه‌م لە دوای گەیاندنی ھاووڵاتییەک بە نەخۆشخانەكه‌مان کە دڵی لە لێدان کەوتبوو، زیاتر لە (45) خولەک لەلایەن ستافی پزیشکی و کارمەندانی تەندروستی نەخۆشخانەکەوە شێلانی دڵ و کاری پێویستی بووژانەوەی دڵی بۆ کرا و توانرا ژیانی بۆ بگەڕێنرێتەوە و خۆشبەختانە دڵی دەستی بە لێدان کردەوە.
ئاماژه‌ی به‌وه‌ش دا كه هاووڵاتییه‌كه دوای ئه‌وه‌ی لێدانی دڵی ده‌گه‌ڕێنرێته‌وه، ده‌گوازرێته‌وه بۆ بەشی بوژانەوەی دڵ لە پارێزگای سلێمانی و قه‌سته‌ره‌ی دڵی بۆ ئه‌نجام ده‌درێت.
جه‌ختیشی كرده‌وه كه ئێستا هاووڵاتییه‌كه باری تەندروستی جێگیرە.
کۆمێنت (0)
تا ئێستا هیچ کۆمێنتێک نەکراوە.