سه‌رۆكایه‌تی دیوانی ئه‌نجوومه‌نی وه‌زیرانی حكوومه‌تی هه‌رێمی كوردستان بڕیاری دا هه‌ر پزیشك و كارمه‌ندێكی ته‌ندروستی له كاتی ده‌وامی فه‌رمی به ڤایرۆسی كۆڕۆنا كۆچی دوایی كردبێت، بڕی 5 ملیۆن دینار وه‌ك مینحه بداته خانه‌واده‌كانیان.
سه‌رۆكایه‌تی دیوان به نووسراوێكی فه‌رمی كه ئاراسته‌ی وه‌زاره‌تی ته‌ندروستی كردووه ڕه‌زامه‌ندی داوه له‌سه‌ر خه‌رجكردنی بڕی پێنج ملیۆن دینار وه‌ك به‌خشین (مینحه) بۆ یه‌كجار.
له نووسراوه‌كه‌دا هه‌روه‌ها هاتووه: بڕی 5 ملیۆن دیناره‌كه ده‌درێت به خانه‌واده‌ی ئه‌و پزیشك و كارمه‌نده ته‌ندروستییانه‌ی له كاتی ده‌وامی فه‌رمی تووشی ڤایرۆسی كۆڕۆنا بوون و به‌م نه‌خۆشییه‌وه كۆچی دواییان كردووه.
به‌گوێره‌ی نووسراوه‌كه ئه‌و پزیشك و كارمه‌ندانه‌ی ئه‌م مینحه‌یه ده‌یانگرێته‌وه ژماره‌یان 89 كه‌سه، پاره‌كه‌ش له‌سه‌ر بودجه‌ی وه‌زاره‌تی ته‌ندروستی ده‌درێت به خانه‌واده‌كانیان.
کۆمێنت (0)
تا ئێستا هیچ کۆمێنتێک نەکراوە.