ئه‌مشه‌و له شاری مووسڵ ڕووبه‌ڕووبوونه‌وه له‌نێوان حه‌شدی شه‌عبی و چه‌كدارانی داعش ڕوویداوه و چوار برینداری لێ كه‌وتۆته‌وه.
سه‌رچاوه ئه‌منییه‌كانی پارێزگای نه‌ینه‌وا بڵاویان كرده‌وه: ئه‌مشه‌و له گوندی ئوم عه‌ربید له سنووری شاری مووسڵ چه‌كدارانی لیوای 44ی حه‌شدی شه‌عبی له‌نێو تۆنێڵێك گه‌ماڕۆی دوو چه‌كداری داعشیان داوه و ڕووبه‌ڕووبوونه‌وه له‌نێوانیان ڕوویداوه.
ئاماژه‌یان به‌وه‌ش دا كه له ڕووبه‌ڕووبوونه‌وه‌كه‌دا 4 ئه‌ندامی حه‌شدی شه‌عبی بریندار بووه.
هه‌روه‌ها هه‌ردوو چه‌كداره‌كه‌ی ڕێكخراوی تیرۆریستی داعشیش كوژراون.
کۆمێنت (0)
تا ئێستا هیچ کۆمێنتێک نەکراوە.