سه‌رله‌ئێواره‌ی ئه‌مڕۆ سێشه‌م له عه‌مانی پایته‌ختی وڵاتی ئوردن باڵه‌خانه‌یه‌كی چوار نهۆمی داڕما و به‌هۆیه‌وه 9 كه‌س بوونه قوربانی.
ده‌سه‌ڵاتدارانی ئوردن ئاشكرایان كرد: له ڕووداوی داڕمانی باڵه‌خانه‌كه‌ی ئه‌مڕۆ سێشه‌می گه‌ڕه‌كی لویبده له عه‌مانی پایته‌خت تا ئێستا ته‌رمی دوو هاووڵاتی دۆزراونه‌ته‌وه.
ئاماژه‌یان به‌وه‌ش دا كه به‌هۆی ڕووداوه‌كه هه‌روه‌ها 7 كه‌سی تریش بریندار بوون و گه‌یه‌نراونه‌ته نه‌خۆشخانه.
جه‌ختیشیان كرده‌وه كه سه‌رجه‌م تیمه‌كانی به‌رگریی شارستانی پارێزگای عه‌مان و به‌شێك له سوپاش له شوینی ڕووداوه‌كه‌ن بۆ به‌هاناوه‌چوونی برینداران.
لای خۆشیانه‌وه میدیاكانی ئوردن پێشبینییان كردووه ژماره‌ی قوربانییان به‌تایبه‌تیش مردووان له‌نێو پاشماوه‌ی ڕووخاوی باڵه‌خانه‌كه ڕوو له زیادبوون بكه‌ن.
کۆمێنت (0)
تا ئێستا هیچ کۆمێنتێک نەکراوە.