كۆریای باشوور ئه‌مڕۆ سێشه‌م هۆشداری توندی به هاوسێیه‌كه‌ی كۆریای باكور دا له ئه‌گه‌ری به‌كارهێنای چه‌كی ئه‌تۆمی به‌رامبه‌ریدا و جه‌ختی كرده‌وه كه ئه‌گه‌ر ئه‌م كاره بكات به مانای له‌ناوچوونی خۆی دێت.
گوته‌بێژی وه‌زاره‌تی به‌رگریی كۆریای باشوور ڕایگه‌یاند: ئه‌گه‌ر كۆریای باكور چه‌كی ئه‌تۆمی به‌رامبه‌ر ئێمه به‌كاربهێنێ، لایه‌نگره‌كانمان وه‌ڵامێكی توندی سه‌ربازییان دژی ده‌بێت به‌تایبه‌تیش ئه‌مه‌ریكا.
ڕاشیگه‌یاند: ئه‌گه‌ر كۆریای باكور چه‌كی ئه‌تۆم به‌كاربهێنێ، به له‌ناوچوونی خۆی كۆتایی دێت.
ئاماژه‌ی به‌وه‌ش دا كه ئێستا كار له‌سه‌ر ئه‌وه ده‌كه‌ن سیسته‌می دژه مووشه‌ك له وڵاته‌كه‌یان به‌هێزتر بكه‌ن و چالاكی بكه‌ن بۆ هه‌ر ئه‌گه‌رێكی له‌ناكاو و هێرشی مووشه‌كی.
ئه‌مه له‌كاتێكدایه كه له سه‌ره‌تای ئه‌مساڵ كۆریای باكور یاسایه‌كی نوێی سیاسه‌تی چه‌كی ئه‌تۆمی ده‌ركرد و تێیدا نه‌ك هه‌ر ته‌نیا بۆ هێرشی هاوشێوه و به‌رگریكردن ڕێگه به به‌كارهێنانی چه‌كی ئه‌تۆمی درا، به‌ڵكو ڕێگه‌ش درا له كاتی بوونی ئه‌گه‌ری هه‌ڕه‌شه بۆ هێرشكردنیش چه‌كی ئه‌تۆمی به‌كاربهێنرێ.
کۆمێنت (0)
تا ئێستا هیچ کۆمێنتێک نەکراوە.