سووده‌ ته‌ندروستیه‌كانی گوێزی سه‌وز بزانه‌

خورادنی گوێز به‌گشتی بۆمرۆڤ زۆر به‌سووده‌ ، به‌ڵام گوێزی سه‌وز یاخود گوێزی تازه‌ سوودی زۆرتره‌ له‌ گوێزی ئاسایی بۆ ئه‌م مه‌به‌سته‌ "د. كامه‌ران ڕه‌سوڵ ژاژڵه‌یی – پسپۆڕی زانستی خۆراك"  سووده‌كانی گوێزی سه‌وز به‌ چه‌ند خاڵێك ده‌خاته‌ ڕوو: 
1. پاراستنی ته‌ندروستی دڵ و كه‌مكردنه‌وه‌ی ئه‌گه‌ری تووشبوون به‌ جه‌ڵته‌و نه‌خۆشی ته‌سك بوونه‌وه‌ی و گیرانی خوێنبه‌ره‌كان.

2. ده‌وڵه‌مه‌نده‌ به‌ كۆمه‌ڵێك پێكهاتووی خۆراكی گرنگ وه‌ك پڕۆتینه‌كان، چه‌ورییه‌ به‌سووده‌كان، كاربۆهیدرایت، مادده‌ ڕیشاڵیه‌كان، مه‌گنسیۆم، گۆگرد، پۆتاسیۆم، ڤیتامینه‌كان به‌ تایبه‌ت B1 , B6، هه‌روه‌ها مادده‌ دژه‌ ئۆكسانه‌كان.

3. به‌هێزكردن و پاراستنی ته‌ندروستی چاو به‌ هۆی بوونی للوتین و زیاكسانسین كه‌ دوو دژه‌ ئۆكسانی گرنگترن بۆ چاو.

4. بڕێكی كه‌م كالۆری تێدایه‌ بۆیه‌ بژارده‌یه‌كی زۆر باشه‌ له‌ كاتی ڕێجیم و یارمه‌تی دابه‌زاندنی كێش ده‌دات.

5. یارمه‌تی دابه‌زاندنی كۆلیسترۆڵی خراپ و چه‌ورییه‌ سیانیه‌كان ده‌دات.

6. یارمه‌تی پاراستنی ته‌ندروستی پێست و هێشتنه‌وه‌ی به‌ گه‌نجی ده‌دات.

7. كه‌مكردنه‌وه‌ی ئه‌گه‌ری تووشبوون به‌ نه‌خۆشی شێرپه‌نجه‌ به‌ تایبه‌ت شێرپه‌نجه‌ی كۆڵۆن و مه‌مك و پڕۆستات.

8. یارمه‌تی هه‌ڵمژینی كانزای ئاسن ئه‌دات به‌ هۆی بوونی بڕێكی زۆر له‌ مادده‌ی مس.

9. یارمه‌تی كۆنتڕۆڵكردنی ئاستی شه‌كره‌ی خوێن ده‌دات.
ئا- كامران