یانه‌ی هه‌ولێر له ڕوونكردنه‌وه‌یه‌كدا ئاماژه‌ی به‌وه دا كه كێشه‌ی ڕاهێنه‌ره‌كه‌ی پێشوویان چاره‌سه‌ر كردووه و كۆتایی هاتووه.
یانه‌ی هه‌ولێر له ڕوونكردنه‌وه‌كه‌دا ده‌ڵێت: دوای ئەوەی لەلایەن لێژنەی تەراخیس لەسەر کێشەی راهێنەری پێشووتری یانەکەمان کاپتن (ئەیووب ئۆدیشۆ) ئاگادار کراینەوە، کە پێویست بوو لە ماوەی تەنیا 72 کاتژمێر یانەی وەرزشی هەولێر بڕی 395,000,000 سێ سەت و نۆهه‌ت و پێنج ملیۆن دینار، بداتە راهێنەری ناوبراو کە بڕی پارەکە قەرزی کۆنە و لەسەر یانەکەمان کەڵەکە بووە.
ئاماژه‌ی به‌وه‌ش دا: بە هەوڵ و کۆششی دکتۆر وەلید عارەب سەرۆکی یانەکەمان و سەرجەم ئەندامانی دەستەی کارگێڕی کە هەمووان بە بەردەوامی لەسەرهێل بوون، هەروەها بە هەوڵ و ماندووبوونی پارێزگاری هەولێر ئومێد خۆشناو و دڵسۆزان و خەمخۆرانی یانەکەمان، سوپاس بۆ خوای گەورە، کێشەکە چارەسەر کرا.
یانه‌ی هه‌ولێر جه‌ختیشی كرده‌وه كه ئێستا كێشه‌كه چاره‌سه‌ر بووه و کۆتایی هاتووه.
کۆمێنت (0)
تا ئێستا هیچ کۆمێنتێک نەکراوە.