لە ڕێگەی نێوان عەربەت- سەیدسادق پاش نیوەڕۆی ئەمڕۆ چوارشەممە 14ـی 09ـی 2022 لە ڕووداوێکی هاتووچۆ کەسێک گیانی لەدەست دا.
بەڕێوەبەرایەتی هاتووچۆی سلێمانی ڕایگەیاند: ڕووداوێکی هاتووچۆدا لەسەر ڕێگەی عەربەت ـ سەیدسادق لەنێوان دوو ئۆتۆمبێل لە جۆرەکانی پاس و تۆیۆتا کامریدا ڕووی دا.
ڕاشیگەیاند: لە ئەنجامی ڕووداوەکە کەسێک گیانی لەدەست دا و دوو کەسی دیکەش بریندار بوون.
بەڕێوەبەرایەتییەکە ئاماژەی بەوەش داوە کە هۆکاری ڕووداوەکە دەگەڕێتەوە بۆ شۆفێری ئۆتۆمبیلی جۆری تۆیۆتا کامری کە چووەتە سایدی بەرامبەر و خۆی بە پاسەکەدا کێشاوە.
هاتووچۆی سلێمانی ڕوونیشی کردۆتەوە کە لە ڕووداوەکەدا شۆفێری کامرییەکە گیانی لەدەست داوە و دوو سەرنشینیش بریندار بوون.
کۆمێنت (0)
تا ئێستا هیچ کۆمێنتێک نەکراوە.