پاڵه‌وانێیه‌تی بادمنتۆنی یانه‌كانی كوردستان به‌ڕێوه‌ده‌چێت

به‌چاودێری لێژنه‌ی ئۆلۆمپی هه‌رێمی كوردستان، به‌سه‌رپه‌رشتی یه‌كێتی ناوه‌ندی بادمنتۆنی كوردستان پاڵه‌وانێیه‌تی یانه‌كان له‌سه‌ر ئاستی كوڕان به‌ڕێوه‌ده‌چێت.
پاڵه‌وانێتییه‌كه‌ سبه‌ی هه‌ینی 16 ى 9 ى 2022، كاتژمێر 10 ى به‌یانی له‌هۆڵی یانه‌ی وه‌رزشی ئه‌كاد - عه‌نكاوه‌ به‌به‌شداری یانه‌كانی كوردستان ده‌ستپێده‌كات و بۆ رۆژی شه‌ممه‌ش به‌رده‌وام ده‌بێت. 
به‌رێوه‌چوونى كاروچاڵاكیی یه‌كێتییه‌ ناوه‌ندییه‌ وه‌رزشییه‌كان به‌رده‌وامی هه‌یه‌ و ئه‌مه‌ش له‌دوای ئه‌وه‌ی له‌چه‌ند مانگی پێشوو حكوومه‌تی هه‌رێمی كوردستان بڕیاریدا مانگانه‌ بڕی 80 ملیۆن دینار بۆ لێژنه‌ی ئۆلۆمپی خه‌رج بكات به‌مه‌به‌ستی به‌رێوه‌چوونى كاروچاڵاكیی یه‌كێتییه‌ ناوه‌ندییه‌ وه‌رزشییه‌كان .
راگه‌یاندنی لێژنه‌ی ئۆلۆمپی هه‌رێمی كوردستان