نیویۆرک تایمز ئاشکرای دەکات کە ڕێبەری مەزنی ئێران دووچاری نەخۆشییەکی سەخت و مەترسیدار بووەتەوە، لەژێر چاودێری چڕی پزیشکیدایە.
ڕۆژنامەی نیویۆرک تایمزی ئەمریکی ڕایگەیاندووە کە ئایەتوڵڵا عەلی خامنەیی ڕێبەری کۆماری ئیسلامیی ئێران هەفتەی ڕابردوو بەهۆی تووشبوونی بە نەخۆشییەکی سەختەوە سەرجەم کۆبوونەوە و دیدارەکانی هەڵوەشاندووەتەوە.
ئەو رۆژنامەیە بەپێی زانیارییەکانی 4 کەس کە ئاگاداری ڕەوشی تەندروستی خامنەیین، ئەوەشی خستەڕوو کە خامنەیی تەمەن 83 ساڵ ئێستا لەژێر چاودێری و كۆنترۆڵی تیمێكی پزیشكیدایە.
نیویۆرک تایمز ئاماژه‌ی به‌وه‌ش داوە کە هه‌فته‌ی ڕابردوو باری ته‌ندروستی خراپ بووە، به‌ڵام باشتر بووه و ئێستاش پشوو ده‌دات، له‌به‌رئه‌وه‌ی پزیشكه‌كانی به درێژایی كاتژمێر چاودێری ده‌كه‌ن و نیگه‌رانن كه هێشتا ئه‌وه‌نده لاوازه كه توانای ئەوەی نییە دابنیشێت.
کۆمێنت (0)
تا ئێستا هیچ کۆمێنتێک نەکراوە.