تیرۆریستێکی مەترسیداریی داعش دەستگیر کرا

لە گۆپاڵە تیرۆریستێكی مەترسیداری داعش لەلایەن هێزەکانی ئەمنیی سلێمانی دەستگیر کرا، کە پێشووتر ئەو تیرۆریستە لەگەڵ مەلا شوان دەرکەوتووە.

پاش وەرگرتنی ڕەزامەندی دادوەری دادگەی لێکۆڵینەوە تێرۆرست (ح. ج. م )  کە باوکی تێرۆرست (ع. ح.  ج ) ناسراو بە (عەبوود) کە لە گرتەیەکی ڤیدۆیدا لەساڵی ( 2015) لەگەڵ گەورە تێرۆریست مەلا (شوان ) دەرکەوتووە بە ئۆتۆمبێلێکی جۆری فۆردی بۆمبڕێژکراو  ناردی خۆی تەقاندەوە بەهێزەکانی پێشمەرگەدا، توانرا لە (14 /9 /2022 ) لە شارۆچکەی گۆپاڵە دەستگیر بکرێت.

تێرۆریست (ح. ج. م) لە بنەڕەتدا خەڵکی پارێزگای (سەڵاحەدین)ـی قەزای شەرگاتە، لە ساڵی (2005) پەیوەندی بە گرووپی تێرۆرستی قاعيدەوە کردووە و کاری شاردنەوەی چەک و ئامادەکردنی تێنتی بۆ تەقاندنەوەیان بەهێزەکانی هاپەیمانان کردووە، لەساڵی (2014) لەگەڵ دروستبوونی داعش و گەیشتنیان بە قەزای شەرگات خۆی و 3 کوڕی بەناوەکانی

 (ع . ح ، ب. ح   م. ح ) پەیوەندی دەکەن بە داعشەوە و دەبنە چەکداری داعش پاش ڕووخانی داعش لە (سەڵاحەدین ) هەڵدێن و دەچنە  (مووسڵ)، پاش ڕووخانی داعش لە (مووسڵ) ناوبراو دەچێتە وڵاتی سووریا لە (دێرەزوور) نیشتەجێ دەبێت پاشان دەچێتە وڵاتی تورکیا و لە ساڵی (2020) دەگەڕێتەوە عێراق و ڕوودەکاتە هەرێمی کوردستان لە پارێزگای سلێمانی خۆی حەشار دەدات تاوەکو کاتی دەستگیرکردنی (7) شوێن دەگۆڕێت.

کوڕەکانی تێرۆریست (ح. ج. م)

 تێرۆريست (ع. ح )ناسراو بە (عەبوود) لە کردەوەیەکی تێرۆریستیدا خۆی تەقاندەوە بە هێزەکانی پێشمەرگەدا و  کوژرا.

تێرۆریست (ب. ح ) لە (مووسڵ ) بە بۆردوومانی فڕۆکە کوژرا.

تێرۆریست ( م. ح ) پاش ڕووخانی داعش لە عێراق و سووریا هەڵدێ و دەچێتە تورکیا  لەوێ نیشتەجێیە.

ئێستا بە بڕیاری دادوەری دادگەی لێکۆڵینەوە بەپێی ماددەی (2)ـی تێرۆر ڕاگیراوە و لێکۆڵینەوە لەمبارەیەوە بەردەوامە.