حه‌شدی شه‌عبی ئاماری قوربانییانی ڕووبه‌ڕووبوونه‌وه‌كه‌ی ئه‌مشه‌ویان به‌رامبه‌ر چه‌كدارانی داعش له ناوچه‌ی جه‌زیره له باشووری شاری مووسڵ له پارێزگای نه‌ینه‌وا بڵاو كرده‌وه.
حه‌شدی شه‌عبی له به‌یاننامه‌یه‌كدا ڕایگه‌یاند: ئه‌مشه‌و هێزه‌كانی لیوای 44ی حه‌شدی شه‌عبی له ناوچه‌ی جه‌زیره به‌سه‌ر مۆڵگه‌یه‌كی تیرۆریستانی داعشیان دادا و به‌هۆیه‌وه چه‌ند كاتژمێرێك ڕووبه‌ڕووبوونه‌وه‌ی توند له‌نێوان هه‌ردوولایان ڕووی دا.
ڕاشیگه‌یاند: له ئه‌نجامی ڕووبه‌ڕووبوونه‌وه‌كاندا و به‌هۆی خۆته‌قاندنه‌وه‌ی دوو تیرۆریستی داعش، ئه‌ندامێكی حه‌شدی شه‌عبی كوژرا و هه‌شتی تریش بریندار بوون.
حه‌شدی شه‌عبی له به‌یاننامه‌كه‌دا ئاماژه‌ی به‌وه‌ش دا كه به هاوكاری هێزه‌كانی تیپی 20ی فه‌رمانده‌ی ئۆپه‌ڕاسیۆنه‌كانی نه‌ینه‌وا و به‌ڕێوه‌به‌رایه‌تی زانیاری و هه‌واڵگری و به‌ڕێوه‌به‌رایه‌تی ئاسایش توانیان ته‌واوی چه‌كداره‌كانی داعش له‌نێو مۆڵگه‌كه‌دا بكوژن كه ژماره‌یان 7 چه‌كداری داعش بوو.
کۆمێنت (0)
تا ئێستا هیچ کۆمێنتێک نەکراوە.