تۆبیاس ڤۆس بووە یەکەم پایسكلسواری نەرویژی لە پاڵەوانێتی جیهانی رێگاوبان بۆ ساڵی2023 براوەی پلەی یەكەم بێت

تۆبیاس ڤۆس بووە یەکەم پایسكلسواری نەرویژی لە پاڵەوانێتی جیهانی رێگاوبان بۆ ساڵی دوو هەزارو بیست و سێ لەسەر ئاستی كوران براوەی پلەی یەكەم بێت.
 ركابەریەكانی وەرزی ئەمساڵ لە شاری وۆلۆنگۆنگی ئوسترالیا بەرێوەچوو، تۆبیاس توانی ماوەی سی و چوار كیلۆمەتر و دووسەد مەتر بەچل خولەك و دوو چركە تەواو بكات.
 دوابەدوای ئەمیش ستیڤان کۆنگی سویسری، پاڵەوانی تاقیکردنەوەی کاتیی ئەوروپا، بە دوو چرکە لەدوای خۆیەوە پلەی دووەم و ملوانكەی زیوی بردەوە، پلەی سێیەمیش بووە بەشی ریماکۆ ی بەلژیكی كاتێ بە هەشت چرکە لە دوای ڤۆسەوە بوو، ریماكۆ ملوانگەی برۆنزی بەدەستهێنا.
 هەرچی فیلیپۆ گانای ئیتاڵی بوو كە کاندیدی پێش پێشبڕکێکە و دوو جار پاڵەوان بووە، ئەمجارەیان لەخانەی حەوتەم خۆی بینیەوەو بەجیاوازی پەنجاو شەش چركە لەڤۆسەوە دوور بوو، لەسەر ئاستی كچانیش كچە پایسكلسواری هۆلەندی ئیلین ڤان دایک توانی پارێزگاری لەنازناوەكە بكات و بۆ سێیەمین جار براوەی ملوانكەی زێربوو، ئیلین ماوەی پێشبركێكەی بە چلو چوار خولەك و بیست و هەشت چركە تەواو كرد.
 دوابەدوای ئەمیش گرەیس براونی پلەی دووەمی بردەوە كاتێ بەجیاوازی سێزدە چركە لەدوای ئیلین بوو، دوابەدوای ئەمیش ماریلین رۆیزەری خاوەن میدالیای زیوی ئۆڵۆمپی سویسری بە چل و پێنج  خولەک و دە چرکە پلەی سێیەم و ملوانكەی برۆنزی بردەوە.