له شاری دالاسيی ویلایه‌تی تێكساسی ئه‌مه‌ریكا، ڕكابه‌ریه‌كانی قۆناغی یه‌كه‌می پاڵه‌وانێتی نێوده‌وڵه‌تی كراوه‌ی ویلایه‌ته یه‌كگرتووه‌كانی ئه‌مه‌ریكا له یاری ترایاسلۆن له ئاستی پیاوان به‌ڕێوه‌چوو.
دوای ململانێی به‌هێزی نێوان به‌شداربووان له هه‌رسێ پێشبڕكێی مه‌له‌وانی و پایسكیلسواری و ڕاكردن، له‌ئه‌نجامدا، یاریزانی ئه‌مه‌ریكی كۆلین شارتێر پله‌ی یه‌كه‌م و نازناوی قۆناغی یه‌كه‌می پاڵه‌وانێتیه‌كه‌ی به‌ده‌ستهێنا.
شارتێری ته‌مه‌ن بیست وهه‌شت ساڵ درێژی هه‌رسێ پێشبڕكێكه‌ی به كاتی سێ كاتژمێرو حه‌ڤده خوله‌ك و حه‌ڤده چركه بڕی و نازناوه‌كه‌ی مسۆگه‌ركرد، ماگنوس دیتلێڤی دانیماركی پله‌ی دووه‌می به‌ركه‌وت، پله‌ی سێیه‌میش بووه به‌شی سام لۆنگی ئه‌مه‌ریكی.
کۆمێنت (0)
تا ئێستا هیچ کۆمێنتێک نەکراوە.