به‌ڕێوه‌به‌رایه‌تی پۆلیسی گه‌رمیان برینداربوونی دوو كه‌سی له گوندێكی سه‌ر به شاره‌دێی قۆره‌توو به‌هۆی كێشه‌ی كۆمه‌ڵایه‌تی ڕاگه‌یاند.
مقه‌ده‌م عه‌لی جه‌مال گوته‌بێژی پۆلیسی گه‌رمیان ڕأیگه‌یاند: ئێوارەی ئەمڕۆ سێشەم لە گوندی ساڵح ئاغا سەر به شاره‌دێی قۆرەتوو، دوو هاووڵاتی لە ڕەگەزی نێر هێنرانە بەشی فریاکەوتنی شەهید هەژار لە کەلار کە بەهۆی بەرکەوتنی فیشەکەوە بریندار بووبوون.
ڕاشیگه‌یاند: بە گوتەی بریندارەکان لەگەڵ هاووڵاتییەکی هەمان گوند بەهۆی کێشەیەکی کۆمەڵایەتییه‌وە بە شەڕ هاتوون و کەسی بەرامبەر بە چەک تەقەی لێیان کردووە و لە ئەنجامدا هەردووکیان برینداربوون.
مقه‌ده‌م عه‌لی جه‌مال ئاماژه‌ی به‌وه‌ش دا: ئێستا لە نەخۆشخانەی فریاکەوتنی شەهید هەژار چارەسەر بۆ بریندارەکان دەکرێت و هه‌روه‌ها بە پێی ماددەی 405 فەقەرە 31 بە بڕیاری دادوەر فەرمانی دەستگیرکردن بۆ تۆمەتبار دەرچووە.
کۆمێنت (0)
تا ئێستا هیچ کۆمێنتێک نەکراوە.