پۆلیسی دهۆک ئەمڕۆ سێشەممە 20ـی 09ـی 2022 کەسێکی لەسەر ناوزڕاندن و گوتەی ناشرین لە تۆڕە کۆمەڵایەتییەکان، دەستگیر کرد.
بەڕێوەبەرایەتی پۆلیسی دهۆک ڕایگەیاند: لەسەر سکاڵای داواکاری گشتی و بە بڕیاری دادگەی لێکۆڵینەوە بەناوی (م. م.ئـ) لەلایەن پۆلیسی دهۆک دەستگیر کرا.
ڕاشیگەیاند: تۆمەتبار لەسەر تاوانی خراپ بەکارهێنانی مۆبایل و ئامێری پەیوەندیکردن (ناڤزڕاندن و گوتەی ناشرین لەدژی خەڵک) و ئێستاش بە کەفالەت ئازاد کراوە تاوەکو ڕۆژی دادگەییکردنی.
بەڕێوەبەرایەتییەکە ئەوەشی خستەڕوو کە تاوانەکەی لە لایڤێکی تۆڕە کۆمەڵایەتییەکان ئەنجام داوە.
ئاماژەی بەوەش داوە کە لێکۆڵینەوەکان دەستی پێ کردووە و بەپێی بەندی 2 یاسای ژمارە 6ـی خراپبەکارهێنانی ئامێری پەیوەندیکردن ئەنجام دەدرێت.
کۆمێنت (0)
تا ئێستا هیچ کۆمێنتێک نەکراوە.