ئێوارەى ڕۆژی دووشەممە ڕێکەوتی 19ی ئەیلوولی 2022، بەمەبەستى لەنزیکەوە ئاگاداربوون لە چۆنیەتیی بەڕێوەچوونی کارەکانی بەشی دووەمی شەقامی 150 مەتریی هەولێر، ساسان عەونى وەزیرى شارەوانى و گەشتوگوزار و ئومێد خۆشناو پارێزگارى هەولێر و عەبدولواحید ئەحمەد سەرۆکی شارەوانیی هەولێر و ژمارەیەک لە بەڕێوەبەرانی گشتی و دامودەزگەکانی شارەوانی، پڕۆژەى بەشی دووەمی شەقامی 150 مەتریی خێراى هەولێریان بەسەرکردەوە و بەدواداچوون بۆ چۆنیەتیی کارەکان کرا.
کارکردن لەو بەشەی پڕۆژەکە بەردەوامە و کارەکانی شەقامەکە گەیشتووەتە 93٪ و بڕیارە لە کۆتایی ئەمساڵدا ئەم بەشەی پڕۆژەکە تەواو بکرێت.
بەشی دووەمی شەقامی 150 مەتری بە درێژیی 7.6 کم دەکەوێتە نێوان شەقامی سەرەکیی شەقڵاوە تا شەقامی کۆیە و لە ئێستاشدا 95٪ی کارەکانی تەواو کراوە و بڕیارە لە کۆتایی ئەمساڵدا کارەکانی ئەو بەشەى پڕۆژەکە بە کۆتا بێت و بەڕووی شۆفێران و هاووڵاتییاندا بکرێتەوە.
کۆمێنت (0)
تا ئێستا هیچ کۆمێنتێک نەکراوە.