لە24 كاتژمێری ڕابردوودا نزیكەی (100) قوتابی لەیەك قوتابخانەی شاری سلێمانی سەردانی نەخۆشخانەی منداڵانیان كردووە.
ئەمڕۆ پێنجشەممە 22 ی 9 ی 2022، لە راگەیاندراوێكدا، بەرێوەبەرایەتی گشتی تەندروستی سلێمانی بڵاویكردەوە: لە(24) كاتژمێری ڕابردوو لەقوتابخانەیەكی ناو شاری سلێمانی نزیكەی (100) قوتابی بەحاڵەتی سكچوون و ڕشانەوە سەردانی نەخۆشخانەی د.جەمال ئەحمەد ڕەشید -ی تایبەت بەمنداڵانیان كردووە.
تەندروستی سلێمانی ئاماژەی بەوەشداوە كە بەمەبەستی بەدواداچوون لەو حاڵەتە، ڕاستەوخۆ بەڕێوەبەری گشتی تەندروستی لیژنەیەكی تایبەت لە( چاودێری تەندروستی ٫ یەكەی ئاو ٫ تەندروستی خوێندنگاكان) ڕاسپارد بەدواداچوون بكەن لەدۆزینەوەی حاڵەتەكان و نموونەی خۆراك و ئاو بۆ پشكنینی تاقیگەیی وەربگیرێت.
سلێمانی.. بەهۆی سکچوونەوە نزیکەی 100 قوتابی قوتابخانه‌یه‌ك ڕەوانەی نەخۆشخانە كران
100%
کۆمێنت (0)
تا ئێستا هیچ کۆمێنتێک نەکراوە.